Jeremy Wever cu su programa I AM Jeremy Wever a bautisa su uniform

Na un manera special Jeremy Wever a cuminsa cu su programa riba facebook pa yuda comerciantenan local cu nan producto durante cuarentena. E mes no a pensa cu su idea lo yega asina leu y haya hopi atencion di followersnan riba facebook atravez di su page I Am Jeremy Wever.

Diahuebs na Merlot Villas Jeremy a prepara un programa special unda a regala premio y combersa cu diferente comerciante, algun cu ta bende frio, snacks, pronstuk, decoracion, t-shirt y tambe make up.

Cada uno cu un producto y servicio diferente.

Di e forma aki nos tur ta yuda otro pa bay dilanti den e momentonan di mas dificil cu nos ta pasando aden.

Algun ta opta pa keda man cruza pero otronan ta dicidi pa lanta para y haci di nan talento/ arte un manera pa haya un extra entrada den momentonan di crisis.

Jeremy hunto su cu siguidornan y comerciantenan a logra adopta algun mucha pa haya loke nan tin mester pa bay scol di cual donacion lo wordo entrega na fundacion Mi Voz ta bo voz.

Na final di su programa el a bautisa su uniform di cual madrina tabata Vanessa y padrino Lyonel Dirksz.

Comments

comments