Jeremy Loefstok cu ta un bodyboarder cu ta un usuario di e lama na Andicuri a duna su disgusto unda dia 29 September a tuma nota cu a cera e caminda principal pa bay Andicuri y a compronde cu ta tereno priva y no ta gobierno. Como bodyboarders nos kier djis sa kico ta bay pasa y con pa yega na e lama aki pa sigui practica nos deporte. Esaki ta e lama di mas popular cu hopi den e deporte di bodyboard ta usa.
Informacion no oficial nos no por a haya ta puro rumor di cierto nomber cu a cumpra e tereno y no ta dow a laga cera e caminda y si ta e doño di e tereno dicon a cera e caminda aki bek, pasobra e caminda aki tabata habri pa mas di 10 aña prome cu esaki e tabata cera y pertenece na un famia y tabata cobra hende pa entrada tempo aya y despues a cere y a keda cera entre 1996 pa 2006 y despues di esaki a keda habri te dia di 29 September 2020. Hopi turista ta pasa e caminda aki te hasta nos hendenan local. Nos kier sa kico t’ey pasa cu Andicuri si e aseso ta wordo prohibi y con pa yega Andicuri den futuro.
Tin alrededor di 500 pa 600 persona ta den e mundo di bodyboard. Y pa fin di siman bo ta hayabo cu 40 persona ta haci uso di e lama pa bodyboard y te hasta hendenan local y turista cu ta haci uso di esaki. Nos no kier discussion Jeremy a bisa sikiera un caminda pa yega Andicuri y si cera e caminda aki ta un vehiculo 4×4 bo mester pa yega y e ora bo ta limita e hendenan pa yega.