NEW YORK, New York – Marc Anthony a conclui diasabra e di dos di cinco concierto den e afamado teatro Radio City Music Hall di New York, cu un invitada special: Jennifer Lopez.
E publico a bira loco ora cu nan a wak e silueta di JLo durante e prome acordenan di e tema “No me amos” cual nan a graha hunto na 1999 pa e prome disco di Jennifer, On the 6, prome cu nan tabata pareha. Jennifer Lopez y Marc Anthony tabata casa di 2004 y 2014 y nan tin dos yiu.
Pa Marc Anthony, Neoyorquino di ascendencia Portoriqueño, presenta den e iconico Radio City pa prome biaha den e ciclo di conciertonan titula “The Private Collection”, ta representa un validacion importante den cas y un asignatura pendiente na su exitoso carera.
Marc Anthony lo wordo galardona como Persona di Aña den Latin Grammys e aña aki pa su trayectoria.
Despues di e concierto, Marc y Jennifer a colga riba nan wall potret cu nan yiunan Max y Emme y e actual casa di Marc, Shannon de Lima. Algun siman pasa, Marc y Shannon a bishita Jennifer na Las Vegas pa mira su show.
Segun e corant Primera Hora, Anthony tambe a invita su tata Felipe Muñiz pa canta hunto un tema. E anochi di diabierna, e cantante a invita Juan Luis Guerra riba stage pa canta “Tu amor me hace bien.”
Marc Anthony ta continua cu su concierto “The Private Collection” den Radio City Music Hall, diadomingo 28 di Augustus y despues dianan 2 y 3 di September.
Fuente: Univision