Cuater aña pasa, Jennifer Arends-Reyes a causa un impacto sumamente grandi den comunidad, ricibiendo sosten masal di Pueblo den eleccion electoral 2013. Comunidad a duna Jennifer e confiansa di drenta nos organo di mas halto, Parlamento. Durante 4 aña Jennifer a sa di traha na un manera sumamente profesional, manteniendo un nivel di positivismo y firmeza, logrando di e manera aki diferente proposicionan y mocion na bienestar di Aruba y sumamente activo den diferente plataforma cu ta cocerni desaroyo economico pa nos pais Aruba.
Progreso y Formacion
Segun Parlamentaria Arends-Reyes, Progreso general di nos economia ta un punto di prioridad pa asina sigura continuacion sostenibel den tur e areanan cu ta na final di dia e weso di lomba di nos poder di compra, sea e ta e producto Aruba, stimulacion di companianan chikito y mediano of introduccion di industrianan nobo cu lo crea su ‘spin-off ’pa Aruba su desaroyo economico.
Ta di remarca cu progreso general di nos economia, ta bay man den man cu formacion di un comunidad inteligente y capaz. No solamente mester pone enfasis riba ideologianan a corto plazo, pero mester sigui inverti den e fundeshi mas importante di un pais cu ta su enseñansa. Ta aki ta unda cu nos futuro lo wordo forma y ta aki ta unda cu nos por garantiza cu aki 10 aña, nos pais ta den e direccion cu nos kier pa e ta. E formacion aki ta depende di nos esfuerzo y inversionnan di awo pa cu termino largo.
Experencia y Capacita
‘Traha pa nos Pueblo ta un trabou sumamente duro y exigente. Pero danki na mi experencia y mi determinacion mi ta sintimi capacita pa tuma cualkier reto cu ta pa bienester di nos comunidad,’ Jennifer ta sigura. Experencia y capaz ta dos punto cu Jennifer tin hopi na serio. Durante su trayectoria como Parlamentaria, Jennifer a keda al tanto di desaroyononan tambe den su area di experticio cu ta Enseñansa.
Algun punto cu Jennifer semper a boga p’e for di comienso di su carera politico:
– Cualificacion inicial y aumento di edad di Enseñansa obligatorio ta un punto cu semper Parlamentario Arends-Reyes a trece dilanti mirando cu e lo ta e siguiente paso den locual nos tin actualmente;
– Summer School lo mester bira un concepto normal na Aruba caminda cu ta duna un ultimo chens pa pasa un vak pa asina evita e fenomeno di ‘keda sinta’, perde ful un aña y baha e mucha of hoben su autoestima. Esaki lo mester bay man den man cu mas guia y ‘remediëring’ den klas mes cu ayudo cu ‘klassen assistent’;
– Diagnostico na tempo y e trahador socialnan mester ta cerca di e scolnan pa reenforsa e trabou di maestronan;
– Cluster 2 pa muchanan cu un of otro discapacidad manera problema di oido mester wordo reenforsa.
– Muchanan cu tin autismo lo mester por haya mas recurso y mester sigui cu e convenio cu a wordo firma pa explora e posibilidadnan pa Aruba;
– Scolnan cu ta uza e metodo di ‘Montessori’ lo mesterwordo observa di cerca pa wak kico lo por siña di nan pa muchanan cu no por logra den Enseñansa tradicional;
– Habri e scolnan despues di 1:30 pa ofrece actividadnan extra curicular y traha cu diferente Ministerio pa logra p’esaki ta exitoso y contribui na formacion di e generacion nobo;
– Introduci un ‘meldcode’ uniforme pa tur persona cu ta traha cu mucha y hoben. Tambe sigui cu un maneho di drogaestricto pa droga keda leu di scolnan;
– Nos studiantenan den region Norte America y Hulanda tambe lo mester sinti cu aunke nan ta leu Aruba ta keda cerca sea ta via Arubahuis of otro personan designa pa duna nan un servicio di calidad.
– Preparacion y traha estrecho cu e demanda di nos mercado di trabou mester keda algo pa traha riba dj’e.
‘Trahando como docente pa mas di 10 aña, guiando hoben den nan desaroyo, bo ta biba di cerca kico ta motiva no solamente e hoben pero tambe kico realmente nos docentenan tin mester pa por ehercenan profession na e miho manera posibel,’ di acuerdo cu Sra. Arends-Reyes. Tecnologia den Enseñansa lo ta di berdad un avanse, pero ta un un parti chikito di cambionan structural cu realmente mester sigui wordo implementa.
Contacto cu Pueblo
Durante e 4 aña, Jennifer a keda hopi cerca di Pueblo, y a mantene semper contacto cu nos digno hendenan