Dialuna pasa di 3 or atardi na un cas na Esmeralda un incidente a sosode unda dos persona a keda herida despues cu un jeep a bin atras dal den e personanan. Tur cos a pasa ora cu e dama den e wrangler a start e jeep y a bay na e porta di hero pa habri esaki pero e jeep a cuminsa bay atras y e dama a wanta e jeep cu su man. Un homber trahando na e cas tambe a yuda wanta e porta di hero pero e jeep di forsa a pusha e dama y dal den e porta di hero y benta e homber tambe y e jeep a bay otro banda di caminda y dal den un cashi di coriente di otro cas. Ambos persona a keda herida. E homber a haya kap na su frenta y e dama tambe a resulta herida. Ambulance a presenta pa atende cu ambos persona. Polis a keda notifica di e incidente aki y tambe a yega pa tuma dato.