Polis ta full prepara pa e dia y anochi cu ta bay tin, segun Jeanette Richardson di Cuerpo Policial.
Esey ta nifica cu lo bay tin mas hende y lo draai un dienst mas largo di 12 ora. Esey lo bay cubri di 7’or di anochi te cu 7’or di mainta y despues di esey tambe. E aviso ta bay pa hende, cu si bo no mester bay riba caya, bay keda bo cas. Si bo cas no ta safe busca otro caminda pa keda, pasobra si bo bay afo y haci algo riba lama of kico cu ta. Tin e experiencia cu Lenny caba cu tin hende riba lama, cu despues mester a haci un rescate, ta stroba e trabao cu ta haci normalmente. Ta full ekipa pa haci tur tarea cu mester haci normalmente. Esey ta nifica cu e dienst den e districtonan, dienst di recherche, pero tambe pa e mal tempo cu lo bay bin. Pa conclui, e yamada ta bay di parti di polis pa no haci nada cu por crea problema pabo mes. Keda na bo cas, percura pa bo ta safe cu bo tin bestianan paden, cu bo tin materialnan cu cuminda, awa, si coriente mester bay, percura pa tin bateria, cu bo tin luz, cosnan asina. No crea mas problema pa polis, hunto cu e otro servicionan mester actua sin cu tin mester, segun Jeannette Richardson.