Den un entrevista cu Jean Jarré Kock, cu ta traha na SVGA den e seccion di docente di gymzaal, sport y recreatie, a puntre con e situacion como docente di gym a haci cu su alumnonan cu ta haya les tur dia y awor tur cos tin cu cambia. Sr Kock a menciona desde cu a haya sa cu na Aruba nos tin e COVID-19 tur les a para y scolnan a cera despues di e anuncio di Gobierno, apesar di a cera nos a keda den bon contacto cu e directora Sra. Els, y tambe otro cabesantenan di Bibito pin, Man na obra y Briyo di solo y a leu a leu nos ta bin trabou pa bin cu producto nobo pa mayornan haya les pa duna e muchanan na cas pa no kibra nan rutina y e progreso cu a enfoca riba dje pa hopi aña.
Cu e COVID aki el a para tur cos cu ta stroba e desaroyo di cada alumno y cliente cu nos tin den SVGA, y como docente di gymzaal tambe a traha varios video unda tin cu duna e les ariba distancia y media social, debi cu nos no por ta hunto pa por haci esaki den gymzaal, Sr Kock a menciona e ta dificil pero e no ta imposibel. Pa es motibo aki nos ta puntra mayor y esun encarga cu e clientenan porfabor wak e video y asina haci esaki hunto cu e muchanan e ta costa 10 pa 15 minuut y e ta asina importante pa tene nos muchanan den movecion y e ta importante pa e mes un mayornan, debi cu e practica aki ta riba un nivel basta abou cu tur hende por haci uso di nan. E situacion ta dificil pa nos tur pero como maestro di gym lo keda traha mas video pa stimula muchanan te dia cu gobierno y dvg duna pa scol cuminsa mes.
https://www.facebook.com/masnoticia/videos/621926191997754/
Si nos cuminsa mes cu gymles pero esaki lo tin consecuencia riba e grandura di e grupo y tene precaucion riba e parti di higiena, nos tin e productonan cu tur mucha lo bay haya prome cu drenta e gym y pa mantene e area unda cu nan ta mishi pa keda limpi. Nos lo pone foyeto di informacion pa mustra e clientenan pa e ta visualmente cu nan por capta loke nan mira hopi mas miho cu solamente palabra y ora cuminsa bek cu medidanan preventivo y lo wak con pa handel cu e plan nobo den SVGA.