JCI Yala su prome Hero Walk cu un tremendo ambiente

Recientemente a tuma lugar e prome Hero Walk organisa pa Junior Chambers International, Young Active Leaders of Aruba (JCI Yala). Un caminata unda cu tur cu a participa por a bin bisti na nan heroe faborito cu chance pa gana un premio pa e heroe mas creativo.
A cuminsa e atardi cu un tremendo warming up duna pa Rosetna Martinus di Slim Down Dancing cu a duna tur hende e energia pa cuminsa e caminata. Despues tur heroe a sali pa e 5km walk di Fisherman’s Hut pa Arashi y bek pa Fisherman’s Hut.
Na yegada tur hende a haya un aplauso di nos boluntarionan cu a pone ambiente pa tur hende y tur hende a haya patia, pa cortesia di Fruteria Virgilio. A finalisa e atardi partiendo e premio pa e heroe mas creativo como tambe algun doorprizes pa tur cu a participa. Un atardi ameno unda un y tur a gosa y recrea na un manera diferente.
Nos no por keda sin gradici tur cu a yuda haci e prome Hero Walk aki posibel: Centro di Bario Tanki Lender, IBISA, Jolly Pirates, DOW, Serlimar, Fruteria Virgilio, Slim Down Dancing y Wema Ponton. Sin laga afo tur miembro di JCI Yala cu a yuda y TUR heroe cu a bin join nos pa e prome edicion di Hero Walk.
Pa mas informacion tocante e organisacion di JCI por manda un mail pa [email protected] of por bishita e pagina di Facebook di JCI Young Active Leaders of Aruba.

Comments

comments