Sr. Ricky Hoek, tesorero di JCI Yala (Young Active Leaders of Aruba) a splica cuJCI Yala lo duna un training tocante “Negotiation Skills” cual lo ta dia 6 di Mei. E ta amplia mas.
E ta un training unda ta duna tipnan practico y hopi interactive y e maneranan con pa negocia. Bo por negocia sea cu un famia, na bo trabao, sea consciente of inconscientemente, tur dia bo ta den un negociacion. E idea ta pa tur dos partido gana algo di e negociacion aki.
Durante e trainging aki, lo bo haya tipnan practico y concreto y bo ta purba tambe siña tambe con pa negocia. Esaki ta di tres biaha cu JCI Yala ta organisa esaki. A peticion general, un biaha mas JCI Yala ta organisa e training “negotiation skills” un biaha mas.
E training aki ta pa hobennan di 18 aña pa ariba, e ta tambe pa Young Entrepeneurs. E prijs pa participa ta AWG. 75,- y por registra via email na [email protected] of por yama na 5965798.
Sr. Hoek a sigui splica cu e ta pa compania, negoshi pero tambe pa boluntario. E focus ta pa Sali gana den e negociacionnan. P.e. si bo ta den un Club Social of bo ta un boluntario, si bo ta buscando sponsorship, cu tanto abo por haya e sponsorhip pero e patrocinado tambe ta logra Sali gana y haya beneficio di e sponsorship cu e ta duna.
Den un empresa, bo tin un product y bo kier bende bo cliente bo producto. Bo ta siña tipnan util cu bop or bende bo product. Y naturalmente, bo ta sali gana, Ssali beneficia y e cliente tambe lo keda contento cu e training aki.
E training aki lo wordo duna door di Sr. Dave Martinus, e ta un Certified Business Coach. E ta un persona local, e tin amplio experiencia ariba e tereno di duna training. E ta basta conoci na Aruba y tur biaha e la duna e training, cual ta uno hopi interactivo y hopi solicita.
Actualmente JCI Yala ta bayendo hopi bon, y aworaki nan ta bezig cu’n proyecto pa comunidad. Nan tin un proyecto di cosecha, nan ta bayendo na un scol, caminda nan ta siña e muchanan tipo di plantacion. Kico ta e beneficio di bo mesun berdura, kico ta e beneficio di come saludabel. Tambe nan ta pensando riba proyectonan nobo, cu nan kier introduci den 2017. Luna pasa nan tabata tin bishita di e Vice Presidente nacional, cu a bin duna algun training pa e miembronan, cual ta e meta di e organisacion, dus e desaroyo personal. E conocemento cu bo ta haya bo ta pone bek den comunidad, caminda bo ta yuda bo comunidad pa medio di bo proyectonan cu bo ta haci.
Tur persona entre 18 cu 40 aña cu ta interesa pa haya sa mas di e organisacion di JCI, cu ta un organisacion mundialmente reconoci pa 100 aña caba. Y nan por bay riba e facebook page di JCI Yala, pa wak kico nan ta haci of por bay ariba e webpage www.jci.cc caminda por wak kico tur JCI ta haci na nivel mundial.
Dia 15 di Mei un delegacion di Aruba lo sali pa Republica Dominicana, representando Dutch Caribbean n na e conferencia di America.
JCI ta un organisacion cu ta dunabo hopi oportunidad pa desaroyo personal. Lo tin training pa tur miembro cu participa. Tin oradonan tanto local di Republica Dominicana, como tambe internacional riba tereno di business, social y innovacion.
Tambe lo bay tin e networking for di Argentina, te cu Alaska, caminda cu nan lo bay cera conoci cu otro miembronan di JCI, segun Sr. Ricky Hoek, tesorero d JCI Yala.