Diahuebs 11 di october proximo JCI Young Active Leaders of Aruba (JCI YALA) ta presenta nan Fundraising Training “Secret to Succes” cu lo wordo duna dor di e tan conoci Positive Psychology Coach, Yithza Davelaar directamente for di nos hermana isla Curacao. Ademas di esey, Yithza ta un Certified Coach, Speaker y Trainer di John Maxwell Team.
Den bida bo por logra exito, dor di usa e hermentnan corecto. Tin un educacion perfecto por yuda bo haya e trabou di bo soño pero si bo echt kier ta exitoso bo tin cu tin abilidadnan cu bo no ta wordo siña na scol. Algun di e abilidadnan aki y otro tacticanan lo wordo ilustra den detaye durante e training aki. Esaki lo yudabo sigur pa ta bon prepara pa e futuro cu tanto bo a soña di dje.
Bo kier sa mas e tacticanan y secretonan con pa ta exitoso den bida? No perde e oportunidad aki y registra awe mes pa bo por atende e training “Secret to Success”. E training aki lo tuma luga diahuebs 11 di october di 9’or mainta te cu 11’or di mainta na Universidad di Aruba y ta costa Awg. 75,- pa persona. Por registra via www.eventbrite.com of [email protected] . Tambe por yama 730-6005 of 5698177. Cuponan ta limita!
JCI YALA ta un organisacion non-profit nobo y dinamico cu ta forma parti di JCI (Junior Chamber International) un comunidad mundial di lidernan hoben y activo entre 18 y 40 aña cu ta dedica na crea e cambio positivo den comunidad y desaroya nan mes como un persona prominente y cu curason pa nan comunidad. Pa mas informacion tocante JCI YALA por bishita nan pagina di facebook – www.facebook.com/jciyala