Den un entrevista cu Ricky Hoek di JCI Yala, e ta splica cu dia 21 di September ta Dia Internacional di Paz pa cual ta spera cu tur hende por participa den un actividad na Linear Park pa 6’or di atardi. Pa e occasion aki JCI International rond mundo ta celebra ta pone enfasis riba paz mundial cu ta enfoca riba dje. Rond di mundo por mira cu tin hopi guera ta andando, hopi discordia, hopi problema, entre naturalesa, entre famia, entre politiconan y nos tambe na Aruba kier pone atencion riba esey. Mirando cu dia 22 di September ta bay tin eleccion na Aruba y kier pa tin paz na Aruba. Principalmente entre famia, amigo, partidonan politico pa asina demostra cu nos por tin eleccion na paz, caminda cu tur hende por eherce nan derecho di voto, sin cu ningun problema eherce. Ta pesey den cuadro di esaki, dia 21 di September, dia internacional di paz, JCI Yala, hunto cu JCI Aruba y senadornan, ta invita un y tur, pueblo di Aruba cordial, for di 6’or pa 7’or y mey di anochi, na Linear Park, caminda cu tin e sign di Aruba, bin bisti na blanco pa tene un manifestacion, un rato asina aki conciente di paz.
Kico ta encera paz? Caminda cu lo para keto y bisa na Aruba nos ta biba den un ambiente contento. Ta biba den un ambiente humilde, ta biba den un ambiente humilde y sano caminda cu paz y trankilidad mental ta eherce na Aruba. Ban demostra esey como un pueblo Arubiano cu semper a bisa cu ta resalta cu tin union y harmonia cu otro.
Hoek a sigui splica cu nan ta bay tin tshirt, cual tin como lena “peace is possible”, na benta pa 15 florin. Tur persona cu no logra bestel un tshirt, ta pidi nan pa bin bisti na blanco.
E mensahe aki ta internacionalmente. E ta pa publico en general di Aruba. Pasobra dia 21 di September ta dia internacional di paz. El a coincidi net cu e dia prome, cual ta dia di eleccion na Aruba y ta pone enfasis cu esey ta e enfoke e aña aki na Aruba, pa tin un dia di eleccion trankilo, pa tur hende bay bon, pa tur cos bay cana bunita riba dia di eleccion. Pesey kier pone e dia ey, cual ta dia 21 di September, pa e atardi ey, pa tur hende ta trankilo. Bin un rato na Linear Park, caminda cu lo bay enfoca riba e paz cu kier eherce, cu nos kier mira na Aruba.
Internacionalmente JCI tin un campaña den e ultimo 4 añanan cual ta Peace is Possible. Pasobra en berdad por mira nos pais bisiña, Venezuela, den Latino America, den Caribe, na Europa, por mira cu problemanan ta escalando masha hopi rond mundo. Pesey JCI, hobennan activo entre 18 y 40 aña, ta haciendo un campaña masal, un campaña continuo, henter aña, ya pa 4 aña caba, pa trece e mensahe di paz rond mundo. Dia 6 pa dia 8 di September ultimo na Malaysia, tabata tin un Peace Summit Internacional, caminda cu e Gobierno di Malaysia, hunto cu JCI International, a pone un conferencia tocante di paz. Akinan a enfoca kico ta e motibonan principal, caminda cu kier pone enfasis riba dje. E paz entre e partidonan politico, paz entre nacionnan, paz entre famia y amistadnan. Pesey tambe na Aruba kier bin cu e mesun mensahe pa bay cera paz, ban haci union cu otro, pasobra bibando den paz por logra mas.
E coleganan di JCI Aruba y e senadornan di JCI tambe lo ta uniendo riba e dia aki. Sa tambe cu e gruponan Scout Internacional tambe ta enfoca riba dia Internacional di Paz.