Dia 1 di October venidero JCI Aruba ta organisando un seminario di “Personal Financial Management” pa e comunidad di Aruba. Esaki lo tuma lugar na e Multifunctionele Center (MFA) Noord y lo wordo presenta door di Action Coach Mr. Dave Martinus.
Sr. Dave Martinus ta un persona hopi reconoci den nos comunidad como entrenador professional dunando diferente seminarionan di alto nivel na empresanan. Tambe Dave tin un trayectoria hopi largo den JCI y a logra diferente reconocimiento entre otro “the most outstanding JCI Vice President International” di e area di Americas y Caribbean.
Hopi hende ta actua manera placa ta haci nan importante. Nos ta lubida di planea prome cu inverti. Nos cultura ta refleha locual nos pensa y locual nos ta haci. Comprendiendo y aplicando e concepto di haya un miho idea di bo finansas personal, e lo nabo un indicashon con saludabel bo finanzas ta? Hopi biaha nos ta scucha hendenan puntra: Con bo relacion ta cu bo placa? Bo lo sintibo straño ora bo haya un pregunta asina aki. Pero si bo lo wordo haci un pregunta asina aki, kico abo lo contesta?
Comprendiendo bo relacion cu bo finansas personal ta crucial pa bo por logra maneh’e wise.
Meta di e seminario aki ta pa educa individualnan tur caminda con pa maneha nan situacion financiero; gana confiansa den un manera sabi di usa credito; maneho basico di placa.
JCI Aruba ta ofreciendo e seminario aki pa solamente AWG 75.-. Esaki ta inclui: material di training, un coffee break y un certificado. E orario di e seminario ta di
9:00 AM pa 13:00 PM
Carchinan ta obtenibel cerca tur miembro di JCI Aruba, por reserva carchi mandando nos un email na [email protected] of yamando e siguiente numbernan di telefon: 562-5334; 594-3231.
JCI Aruba ta haci un suplica na un y tur pa reserva e carchinan aki na tempo, ya cu cupo ta limita.
Cumprando un carchi bo ta contribuyendo pa JCI Aruba sigui ofrese e hobennan di Aruba e oportunidad di desaroyo pa crea cambionan positivo. Pa mas informacion por comunica libremente via mail cu nos na [email protected] of bira amigo di nos riba facebook.