Tuma risico cu placa riba caya ta grandi y pesey banconan lo bay haci campaña di concientisacion cu un banco ta e miho caminda pa warda placa, segun Javier Wolter di e Asociacion di Bankeronan di Aruba.
Bo ta purba di minimalisa cu cos malo pasa cu banco of cu otro luganan. Pero semper no por elimin’e full. Bo ta haci bo best como banco pa renunci’e mas hopi posibel.
Javier Wolter a sigui splica cu a cuminsa for di aña pasa cu un campaña pa tene cuenta cu peligernan cu tin door di wanta placa na cas y pa cuminsa uza banco.
Un banco tin un infrastructura cu por acomoda placa masha facil. Pa esnan cu tin e custumber di hiba placa cas of tin placa na cas, e conseho ta, busca banco di bo preferencia y cuminsa haci negoshi di un otro forma, specialmente den e metodo di pagonan cu ta uza, Wolter a splica.