Jason Margarita y tres hoben sospecha di asesinato den Corte

 

Diabierna awo Corte di Prome Instancia tin poni riba rol diferente caso, pero tur ta Pro Forma.

Riba e lista tin casonan importante manera esun contra e fotografo Jason Margarita. E ta wordo acusa di comete actonan inmoralidad contra un persona, kende tabata un cliente di dje na e gym.

Margarita tin basta tempo cera. Normalmente personanan acusa di e tipo di delitonan aki, no ta wordo laga liber prome cu tratamento di e caso. Esey tabata e caso tambe di e fisioterapista (Rudy Carti) deteni for di aña pasa).

Ta parce cu e caso aki, mescos cu otronan poni riba e lista di e fecha aki, lo ta Pro Forma. Pues lo pone un otro fecha pa e tratamento tuma luga.

Tambe riba e dia aki esnan acusa di a mata e hoben Lisandro Leonardo Ignacio (21 aña) na Pos Chikito mester presenta dilanti mesa berde. E caso aki a sosode dia 15 di januari ultimo.

Un hecho cu a tuma luga pa 9.13 di anochi. Un of mas persona a sorprende Ignacio sinta den su auto, staciona dilanti su cas, den compania di su yiu chikito. Asina mes nan a tir’e den cabes pa despues huy di e sitio.

Esnan cu lo presenta dilanti mesa berde pa e caso aki ta: Wuill Vrolijk, Joshua Jonathan Wouters y Yael Luigi Frans.

Comments

comments