Sr. Jason Brown cu ta miembro di SMAC a hiba palabra splicando cu hayando sosten di e sponsor cu palabranan di gradicimento pa Serlimar cu e sosten financiero.
Jouvert Morning ta e festival cultural mas grandi di Aruba, y mas directo cu Jouvert Morning. Por bisa cu esaki ta e fiesta cu pueblo mas ta gosa di dje. E sosten aki ta yuda cu e bandanan pa subi caya.
E sosten aki sigur sigur ta yuda masha hopi. Awendia, segun Sr. Brown di SMAC, sponsornan ta masha skeptico pa duna un sosten financiero, y p’esey nan ta gradici Serlimar cu a acerca SMAC pa cu ayudo financiero. Jouvert Morning ta trece gasto pa e bandanan, p’esey cada banda ta haya 1000 florin.
Jouvert Morning ta un parada caminda e pueblo cu no por bay den Carnaval, por gosa di e bandanan, sin cu nan mester di paga. Tin un limite di 10 banda cu por participa den Jouvert Morning, y te cu aworaki tin 8 banda cu a inscribi na SMAC, como tambe 2 DJ. Esey kiermen, cu ainda tin espacio pa 2 banda mas.