Awe dia 1 di October a tuma lugar e eleccion di e board nobo di SMAC. Prome cu sigui cu e resultado Raad van Toezicht ta gradici e miembronan saliente di board di SMAC pa nan pasion y dedicacion pa e ultimo 5 aña nan den Board di SMAC, ta sali como President pa e ultimo 3 añanan Sra. Shannon Henriquez, como Vice President pa e ultimo 5 añanan Srta. Ghislaine Winterdaal, como Tesorero pa e ultimo 5 añanan Sra. Joally Croes, como boardmember independiente Sr. Julio Wever. Danki pa boso dedicacion na Aruba su Carnaval. E miembronan Independiente (3) existente cu a keda den board di SMAC ta Sra. Zuleika Wever, Sr. Jason Brown, Sr. Ron Refunjol. Miembronan nobo cu lo drenta SMAC representando Stichting Musica (4) ta; Sra. Ingrid Richardson, Sr. Ivor Lee, Sra. Kiala Kock, Sra. Kathleen Green. Miembronan nobo cu lo drenta SMAC representando Grupo Unie (4) ta; Sr. Darren van Ommeren, Sr. Robert (Boedoem) Brown, Sra. Betzabeth Rasmijn, Sra. Indira Tromp. Asina aki SMAC a yega na formalisa e 11 miembronan nobo pa board di SMAC. Bao guia di Sr. Hubert de Cuba di Raad van Toezicht elecion a tuma lugar compaña dor di su miembronan, Sra. Ilka Figaroa, Sr. Persey Jeandor.
Miembronan cu a postula nan mes pa e siguiente puestonan ta: Sra. Zuleika Wever (Presidente), Sr. Jason Brown (Presidente), Sr. Darren van Ommeren (Presidente), Sra. Betzabeth Rasmijn (Secretaris), Sra. Kiala Kock (Tesorero), Sra. Indira Tromp ( Tesorero) Esakinan via un carta oficial a postula nan mes. Resultado di e elecion ta como lo siguiente: Presidente : Jason Brown, Vice Presidente: Darren van Ommeren , Secretario 1: Zuleika Wever, Secretario 2: Betzabeth Rasmijn, Tesorero 1: Kiala Kock y Tesorero 2: Indira Tromp. Raad van Toezicht ta oficialisa e parti aki y desea henter e board nobo hopi exito den e temporadanan di carnaval nan dilanti.