Sra. Jasmira Croes- Mora, ta e coordinador di POH (Praktijk Ondersteunend Huisartsenzorg). Y e POH tambe ta forma parti di Wit Gele Kruis for di 2012 caba. Y entre tanto, ya caba nan ta bay cumpli 7 aña. Nan ta e parti preventivo den e prome liña.
E parti di prevencion ta algo hopi importante, mester cuminsa na e chikitonan. Cuminsa na educa e pueblo tocante e comemento saludabel y tambe e movecion. Esey ta parti di nan trabao. Hopi di e malesanan cronico, e.o. sucu halto cu presion halto, colesterol halto, ta malesanan cu den prome instante por wordo evita. Si ta hiba un estilo di bida saludabel, esey kiermen cu e complicacionnan pa cu sucu, lo bin mas despues. Y e persona por biba un bida mas saludabel.
Sra. Croes- Mora a sigura cu fruta y berdura no ta hinca den e canasta basico. Esakinan ta hopi importante pa pone den e macuto basico. E ta algo cu e pueblo mester di dje.
Awendia pueblo por yega na un solucion door di purba di biba un bida mas saludabel, tin hendenan soltero, mamanan soltera. Bo por pone funciona. Sra. Croes- Mora tambe a bisa cu e tabata un mama soltera, cu e tabata bay gym cu su yiu. E hende por ta creativo, prepara cuminda di adelanta. tur esakinan ta tipsnan cu esunnan di POH tambe ta yuda e hendenan. E trabao ta di bisa di come y biba saludabel. Pero nan ta duna tips tambe con pa haci’e. E tipsnan aki ta individual. Cada persona ta diferente. Cada situacion di cada persona ta diferente.
Wit Gele Kruis lo cuminsa cu’n serie di programa di television pa conscientisa e pueblo pa bishita e POH mas, pa dunanan tambe e experiencia di algun pashent cu POH a yuda, con nan bida a cambia. Dus nan a bira mas saludabel, y con esey a mehora tambe den nan malesa. E programa ta bay ta uno hopi interesante, cu ta bay tin tanto pashent, lo entrevista algun hendenan conoci den comunidad, cu tambe tabata pashent di POH y asina ey, e programa di television lo bay duna mas informacion encuanto e trabao cu nan ta haciendo. Tabata palabranan di Sra. Jasmira Croes- Mora, coordinador di POH di Wit Gele Kruis.