Japon ta recorda e di 73 aniversarario di e atake atomico riba Hiroshima

0
RBC Juli 2018
Funmiles-2018

TOKYO, Japon- Un minuut di silencio a wordo declara den henter e pais pa 8:15, na momento cu dia 6 di augustus 1945, e bom di Merca ‘Litte Boy’ a explota ariba e ciudad.

Dialuna, Japon a recorda e di 73 aniversario di e bombardeo atomico di e ciudad di Hiroshima. Esaki a tuma luga cu’n ceremonia y un minuut di silencio den e parke Conmemorativo di Paz, segun Kyondo News a informa. E minuut di silencio a wordo declara den e pais completo pa exactamente 8:15 hora local, na momento cu dia 6 di augustus di 1945 e bomb Mericano, ‘Little Boy’, a explota riba e ciudad.

Prome Minister Japones, Shinzo Abe, cu a participa den e ceremonia, a afirma cu Japon “a dicidi di realisa esfuersonan grandi pa sirbi di brug” entre e paisnan cu tin armanan nuclear y esunnan cu no tin, priminitiendo di sigui su tres principionan no nuclear: no produci, no posee y no permiti armanan nuclear den su territorio.

Di otro banda, e alcalde di Hiroshima, Kazumi Matsui, a declara, segun The Mainichi, cu awe den mundo tin ainda 14 mil ojiva nuclear, cual ta aumenta e risico di cu algun dia “pa malo of accidentalmente, loke nos a biba cu Hiroshimi despues di e explosion di e dia ey” lo bolbe bek. Ademas, el a bisa cu lidernan mundial mester haci un esfuerso pa crea un mundo liber di armanan nuclear.


Door di e atake di Merca riba Hiroshima dia 6 di augustus 1945, 140 mil persona a muri. Tres dia despues, e di dos bom atomico a wordo tira ariba Nagasaki. Segun calculo, 74 mil persona a perde nan bida.

 

Comments

comments

C: Heineken
new india