Japon ta conmemora tripel tragedia di 11 di maart 2011

TOKYO, Japon- Dialuna Japon a conmemora e temblor y e tsunami caminda cu mas di 18 mil persona a perde nan bida dia 11 di maart, 2011. Esaki tabata un catastrofe natural cual dimension trafico a bira pio pa e accidente nuclear na Fukushima, e agencia AFP a relata.
Na Tokyo a tuma luga un homenahe nacional na e victimanan, cu a conta cu e asistencia di prisn Akishino (yiu mas chikito di emperador Akihito) y su casa Kiko, ambos representante di cas imperial.
Prome Minister Shinzo Abe y otro miembronan di e gobierno, como tambe famia di e victima y representantenan di e autoridadnan local, a asisti na e ceremonia oficial cu desde 2012, ta wordo organisa anualmente.
Pa 2 or y 46 di atardi, ora cu e temblor di 9 a tuma luga, a tene un minuut di silencio. Hopi Japones a uni nan mes na e conmemoracion na diferente luganan di e pais, particularmente den e costa noord , destrosa pa e catastrofe.
E temblor y e tsunami, cu a logra subi varios meter na cierto luganan, a causa morto directo di 18.430 persona, pero nan a logra recupera solamente 15.897 curpa.
Door di e condicionnan di evacuacion dificil y di bida relaciona cu e catastrofe natural of pa e accidente nuclear, e fayecimento despues di 3.700 persona ta haci henter e situacion pio y e conmemoracion di dialuna tabata dedica na nan.
“Nos por solamente sinti pica pensando den e sufrimento di esunnan cu a perde nan famia, mayornan of amigo”, Prome Minister a declara. Segun e hefe di gobierno, e reconstruccion ta avansando, pero decenas di miles di persona ta sigui bida bou di condicionnan precario.
Gobierno Japones di tur manera kier pa e region ta cla pa Weganan Olimpico di Tokyo 2020 y ta priminti di acelera e trabaonan.
Sin embargo, e boluntad, di e regreso di e habitantenan cu mester a bandona nan hogar pa radiacion di Fukushima, ta causa di inkietud cerca e organismonan di defensa di derechonan humano cu ta teme pa e salud di e muchanan a largo plazo.

Comments

comments