E siman aki tur e deportenan cu ta participa den Jan Brokke memorial ta start sali. Manera tur aña Directiva di Fundacion Movemiento ta Bida (FMTB) ta organisa e torneo deportivo pa tur esunnan cu tin 60 añ of mas . Manera anja pasa FMTB atrobe e aña aki a haya ayudo financiero di parti Subsidie Comissie di Lotto pa Deporte pa cual nos ta sumamente gradicido. Na e manera aki nos 60 plusnan por tin un evento deportivo grandi atrobe.
Un total di ocho ramo di deporte lo worde practica durante e dianan ey. Entregamento di premio e aña aki lo ta dia 16 di September durante un anochi ameno di 8 pm pa 1 am unda tur hende por los pia cu bon musica manera semper di J- Formation. Esaki lo tuma lugar na Club Cage den King Plaza ariba Sasaki.
Softbal a cuminsa caba ariba e tereno di Aruba Jrs y lo hunga varios weekend sigui unda mescos cu aña pasa lo tin bataya fuerte entre e teamnan participante.
Volleyball ainda tin luga pa tur esnan cu kier hunga cu of sin team. Volleyball lo worde hunga den Sporthal na Santa Cruz diahuebs 14 di September pa 7 or di anochi. Tuma contacto cu Rudy Leysner na tel: 5942546. Tambe pa atletismo, cual lo tuma lugar 16 di september pa 7’or di mainta cuminsando na Palm Beach( cana y core), por tuma contacto cu Rudy Leysner cu ta encarga cu esaki.
E aña aki atrobe Jose Geerman a tuma e timon pa organisa biljard . E anja aki e lo worde hunga na J&J Snack na Noord . Dianan 9 y 10 di September lo wordo hunga cuminsando pa 3 or. Si abo tambe kier participa ainda cu biljard anto jama Jose na tel: 7482122
Pa bowling manera tur aña Edna Maduro lo bay organisa esaki y lo wordo hunga ariba canchanan di Eagle Bowling. E weganan lo tuma luga dianan 8 y 10 di September. Si abo kier purba bo suerte cu e cabayeronan y damanan 60 den bowling anto yama Edna na tel 5942433. Domino ta completamente yen caba ya cu Roy Sneek for Maart caba a cuminsa prepara su schedule cu e aña aki atrobe lo ta na Centro di Bario Noord. Dia 30 di augustus e reunion di domino na Centro di Bario Noord a tuma lugar. Nos amigo Roy ta puntra tur hungador pa ta presente 30 minuut promer cu wega y tene cuenta cu lo worde hunga dianan 7 y 10 di September. Pa mas informacion tocante e diferente weganan por yama oficina di FMTB na tel: 5868651.
Tennis e aña aki lo tuma luga ariba e canchanan di Gold Coast ariba dianan 13 y 14 di September cuminsanda pa 7’or di anochi.
Directiva di Fundacion Movemiento ta Bida kier a gradici e aña aki atrobe tur esunnan cu ta yuda nos gratuitamente pa organisa e torneo grandi aki cu ta esun di mas grandi na Aruba. Tur hende ta worde invita di awor caba pa bin presencia nos 60 plusnan den accion.