Diasabra ultimo a tuma luga entregamento di premio den POVA Club na tur e ganadonan di e torneo di Jani Brokke Memorial organisa pa Fundacion Movemiento ta Bida.
Un danki grandi ta bai pa Subsidie Comissie di Lotto pa Deporte cu tabata e main sponsor di e aña aki.
Tambe FMTB kier gradisi tur e coordinadornan di e differente deportenan y nan ta Roy Sneek pa domino, Edna Maduro pa Bowling, Eddy Ras pa tennis, Jose Geerman pa Biljard Rudy Leysner pa volleyball y atletismo, Harry Bareno pa futbol, Aruba juniors pa softbal. Un danki tambe na Eagle Bowling, Aruba Racquet Club , Sabana Grandi Bar, Centro di Bario Noord, Aruba Jrs, Sporthal Santa Cruz y directiva di POVA Club cu tur a coopera pa nos por a ofrece nos 60 plusnan un torneo exitoso .
Ainda softball ta den full swing na Aruba Jrs y lo termina aki dos siman.
Den domino e aña aki den pool A a Sali campeon Fidelio Maduro/Osbelio Antersijn y sub campeon Roalndo Loopstok/ rufo Kelly. Pool B campeon Daniel Farro/Mario Tromp y sub campeon Rafael Dennie/Sra Henita Croes y por ultimo Campeon supremo tabata Daniel Farro/Mario Tromp y sub campeon Fidelio Maduro y Osbelio Antersijn.
Futbol di cana a worde gana pa LA Fama y sub campeon Santos.
Volleybal Guardian group a titula campeon y The Smiling team sub campeon.
Tennis a bay den dos categoria: B Class: 3er luga Alexi Illacio/ Jaime Winterdaal
2do luga Jose Riasco/ Fernando “duimstok” Luidens y campion a titula Benny Vrolijk y Kenny Wu
Den A class : 3er luga Omar Muyale /Jerry Giel 2do luga Mark Hodson/ Peter Kroon y campion a biro Elbert Arends / Jose Marin
Iljard e aña aki a bay pa !. Nildo Everon . 2. Efrain Geerman. 3. Luis Sjeik Orman.
Por ultimo un danki na prensa cu semper a promove nos actividadnan. Di awor caba nos kier invita tur hende pa tene e fecha di 12 di November liber ya cu FMTB lo bay tin su fundraising e aña aki na Renaissance Ballroom cual lo ta un Songfestival Baliabel cu nos cantantenan 60+ compitiendo cu canticanan di Pasco den tur idioma y compaña pa BADU. La Nueva Fuerza tambe lo tey pa tur hende por marca paso cu nan ritmo cu yen di swing di Banana.