MUNICH, Alemania- E futbolista Colombiano James Rodriguez, den un tempo cortico a bira un di e piesanan clave di Bayern Munich F.C. Den e club aki el a recupera su miho nivel y a bolbe demostra su calidad. Manera tur hungado cu ta gana protagonismo dentro di campo, e tin un presencia hopi mas fuerte den e camerino y esaki tabata notabel den e ultimo training di e ekipo Bavaro.
Den e training, cu bista ariba e partido contra di SV Werder Bremen di Bundesliga, James a protagonisa un incidente cu su compañero di ekipo Sebastian Rudy. Riba e imagennan difundi pa e diario Aleman Bild caminda cu ta wak e mediocampista talentoso aki na vloer y su colega, e defensor Aleman, ta halando su atencion di manera agresivo.
Cerca di James y Rudy por wak Jerome Boateng, cu tabata cla pa separa nan prome cu nan cuminsa enfrenta otro cu mokete. Segun e diario Aleman, tur cos a cuminsa pa un skop duro di Rudy den direccion di James Rodriquez.