Jairo Maduro, ta un tata cu sigur ta luchando pa e derechonan di su yiu, kende tabata victima di abuso di menor y ta sumamente desapunta cu presencia di Doedel Sophia riba e programa di inauguracion di Plaza Padu, como un artista invita. El a splica cu e tin derecho di papia pa e 8940 persona cu a firma tocante di abuso di menor. E ta haya cu den e caso aki, mirando cu Doedel Sophia ta riba e programacion pa bay actua riba un evento asina importante y di tal magnitud pa loke ta cultura, pa loke ta Aruba, cual ta e inauguracion di Plaza Padu, pa loke ta nos tur bibando na Aruba, ta un bofta den cara di tur e personanan cu a sufri y cu ta sufri di e epidemia di abuso di menor. E ta un bofta di e cara di cada persona, cada 8940 persona cu a firma e accion di firma contra abuso di menor.
Maduro no ta culpando Gobierno pa nada. Sino mas bien e ta haya cu nan mester a wordo miho acesora, esta e personanan cu a percura pa e programacion, cu tin persona den e caso aki, cu Maduro en principio, no tin nada contra di Sophia, pero e ta contra e accion, contra di kico a pasa. E ta wordo sospecha di a abusa di un menor, den e caso aki, di 10 aña.
Loke ta pasa ta, e investigacion ta habri ainda. E no a wordo husga, e caso no a bay dilanti di hues. Mientras tanto cu e caso no a bay dilanti di hues, no a wordo husga, esey ta nifica cu e investigacion ta habri ainda. E ta un caso sumamente delicado, pa bo tin un persona cu ta wordo sospecha di a abusa di un menor, pa bin presenta den un show asina importante pa Aruba.
Pa tal motibo Maduro ta pidi e organisadornan, esta e personanan cu ta encarga cu e organisacion, e programacion pa por fabor, recapacita. Ban evita polemica, ban evita discusion, ban evita mal contento. Por fabor recapacita. Djis haci un cambio chikito den e presentacion, pa no daña e evento asina bunita, cu ta e evento na honor di Padu del Caribe.
Un biaha mas Maduro ta pidi pa recapacita y pensa riba nos muchanan.