Aruba Softball Bond serando aña 2016 a organisa un torneo femenino fast pitch cu 4 ekipo participando. Diasabra ultimo na tereno di Dragon Hitters e ekipo di Jaguars ta logra gana su segundo wega den dos salida despues cu e dia anterior Jaguars a gana su prome partido derotando Aruba Bank Lady Tigers. Tanki Leendert kende tambe a laga su contrincante Rebels den tereno e dia anterior tabata en busca di un victoria pa keda invicto. Jaguars sinembargo no a basila y a inicia cu Melissah Daniel riba monticulo kende a bay full e partido lansando un “No Hitter” permitiendo solamente 1 careda pa asina bay cas cu e victoria. Franceline Danies di Tanki Leendert Girls a bay cas cu e derota. Jaguars 13 careda, 9 hit, 0 eror. Tanki Leendert Girls 1 careda, 0 hit, 5 eror. Miho bateadonan pa Jaguars a resulta Ludmila “Michi” Geerman di 3-2, Alcira Ignacia 2-2, Cathleen Geerman y Jade Woodley di 1-1, Jenisella Tromp y Melisa Peña ambos di 2-1. Den e di dos partido di anochi Aruba Bank Lady Tigers ta baha pisa riba e muchanan di Rebels y ta termina e wega den di 4 entrada mediante knock out. Aruba Bank 14 careda, 9 hit, 0 eror. Rebels 0 careda, 1 hit, 5 eror. Riangela Flanegin cubri henter e ruta pa pone e victoria riba su nombe. E hobencita di apenas 15 aña Zjaca Kock ta bay cas cu e derota. Miho bateadonan pa Aruba Bank ta Marline Noguera di 2-2, Jenifer Chirino y Riangela Flanegin ambos di 3-2. Riangela ta conecta alabes un cuadrangular. Shatienne Kock di Rebels ta conecta e unico hit y ta bay di 1-1. Torneo ta continua diabierna2, diasabra 3 y gran final lo ta diadomingo 4 di December riba tereno di Dragon Hitters. Softball den pleno desaroyo.