ROMA, Italia – Autoridad pa e Competencia di Italia, a anuncia diabierna un multa di tres miyon di euro na e aplicacion di mensaheria WhatsApp pa insisti cu su usuarionan na comparti datonan cu Facebook.
Autoridad cu ta reglamenta e relacion entre empresa y consumidornan, ta splica cu tras un investigacion habri na October di 2016 contra di WhatsApp pa presunto violacion di e codigo di consumidor, a ordena e empresa pa paga un multa di tres miyon di euro, a keda indica den un comunicado.
Pa e entidad regulador, WhatsApp “a incita su usuarionan na acepta plenamente e condicionnan nobo di uzo di aplicacion, entre nan comparti su datonan cu Facebook, haciendo esakinan kere cu di lo contrario no por wordo uza,” e nota a indica.
E personanan cu tabata uza Whatsapp prome cu e entrada na vigor di e disposicionnan nobo, dia 25 di Augustus di 2016, tabata tin e posibilidad di “dicidi no comparti su datonan cu Facebook”, segun investigadornan.
Na 2014, e red social Mericano, Facebook a desembolsa 18.300 miyon di euro pa cumpra e aplicacion popular.
E autoridad pa Competencia ta considera tambe cu algun clausula di e contrato cu ta autorisa WhatsApp pa “interumpi unilateralmente su servicio sin motibo ni aviso premio,” ta inhusto.
E intercambio di dato entre WhatsApp y Facebook a genera criticanan fuerte den henter Europa, en particular di autoridadnan nacional encarga di e proteccion di e datonan propio.
Fuente: http://www.elespectador.com