ROMA, Italia- E minister di Interior di Italia, Matteo Salvini, a anuncia via su cuenta di Twitter cu e Conseho di Minister di e pais a aproba unanimamente e decreto riba siguridad y inmigracion promovi pa su mes persona.
“Mi ta feliz. Un paso padilanti pa haci Italia mas sigur. Di palabra pa hecho, mi ta avanza”, e politico a tweet.
E minister di Interio y Vicepresidente di Conseho di Minister di Italia ta lider di Liga Noord, e di tres forsa politico di e pais, caracterisa pa su euroescepticismo y su sentimiento antiinmigracion. E partido a forma un aliansa cu e Movimento Cinco Strea di Luigi Di Maio pa forma un gobierno despues di tres luna di negocacion.
Despus di asumi e cargo na juni ultimo, gobierno di Salvini a restringi e fluho di inmigrantenan pa e pais. Na juni, Italia a blokia e entrada di un barco cu tabata transportando cientos di inmigrante y a adverti di cu ya e lo no ta “complice di e negoshi di inmigracion clandestino”. E postura a pone den desacuerdo cu Iglesia Catolico di e pais, cu a critica e gobierno na varios ocasion.