Cuatro region di Italia lo keda blokia severamente, a prohibi persona pa bandona nan cas excepto pa rasonnan esencial manera cumpra cuminda of trabou. E decision aki ta pa purba stop e aumento di infeccion di coronavirus.
Prome minister Guiseppe Conte a anuncia e restriccion hopi stricto na regionnan di riesgo halto ‘red zone’. Pa algun circumstancia hende lo por sali di zona di region of biaha na otro pueblonan.
Tienda no esencial lo keda cera y luga cu ta keda habri lo tin cu cumpli cu nan instruccion. Conte a bisa cu e cierre lo cuminsa diabierna awo pa asina tin tempo suficiente pa cada persona por organisa nan mes. E reglanan stipula lo keda revisa cada dos siman pa asina por wak con e situacion ta bayendo.