Internacional: E ministro di Defensa di Israel, Yoav Gallant, ta preparando pa un “operacion multilateral” contra Hamas for di aire, tera, y lama.
Gallant a completa un bishita na e base naval di Ashdod unda el a bisa cu el a haci un evaluacion di e situacion di operacionnan maritimo y a bishita e costa di frontera sur di Israel hunto cu comandante di Armada David Saar Salama, segun Ministerio di Defensa a informa awe.
Gallant a elogia e trabao di e soldadonan y comandantenan den nan esfuersonan pa preveni hopi atakenan cu por a sosode contra Israel. El a expresa den un video durante su bishita: “Mi mensahe na e soldadonan: Bon trabao, nan a haci un trabao excelente! Sigui prepara pa nos operacion, esaki lo bin lihe. Nos ta preparando nos mes pa siguiente paso: un operacion multilateral den aire, tera, y laman.” El a sigui bisa, “Hasi nan trabao, prepara nan mes. Nos lo tin mester di nan.”