GAZA, Franja di Gaza- Ehercito Hebreo a confirma cu tin den su poder cadavernan di dos supuesto terorista y cu nan lo no debolbe te ora cu Hamas debolbe e curpanan di dos Israeli cu a drenta den e Franja di Gaza den e guerra di 2014.
Israel no ta kere cu ta necesario pa investiga riba e sucedido diabierna ultimo na Gaza, segun minister di Defensa, Avigdor Lieberman, e soldaatnan a actua “segun e protocol estableci” pa cual nan por tira tur hende cu por drenta y purba daña e infrastructura na e frontera. Den un entrevista duna diadomingo na radio di Ehercito, a papia pa prome biaha den e operacionnan militar Israeli den e frontera di Gaza, cu a laga un saldo di 17 Palestino morto y casi 1500 persona herida, di cual 400 ta heridanan di bala, segun fuentenan medicio Palestino.
“Bou ningun circunstancia lo habri un investigacion”, e minister Hebreo a declara.
Ademas, el a probecha pa manda un mensahe pa ONU, UE y tur esunnan cu a pidi pa investiga e sucedido. “Mi lo sugeri na e set di hipocritanan pa cuminsa un investigacion riba e mey miyon di persona cu a perde na bida na Siria”, Lieberman a bisa.
Segun varios medionan hebreo, Israel tin den su poder 24 cadaver di Palestinonan cu e lo no debolbe, a menos cu yega na un acuerdo di intercambio pa e militarnan Israeli, cu wordo declara morto despues di e guerra na 2014 y nan cadaver ta den man di Hamas, y tambe pa dos civil Israeli cu tambe e drenta Gaza y lo ta den poder di e organisacion Islamita.
Fuente: https://elpais.com