TABA, Israel – Israel a cera frontera di Egipto na e pueblo yama Taba. Tin papia aki di un menasa di invasion di parti di militantenan.
Taba ta paso fronteriso mas druk entre Egipto y Israel. E agencia di noticia Associated Press a meld cu unidadnan anti terorista Israeli a adverti riba un invasion.
Pa esnan cu kier bin Israel bek for di Egipto, e paso fronteriso ta keda habri. E ceramento di frontera ta bin net despues di e atentado riba e misanan den e ciudadnan Egipcio Alexandria y Tanta.
Destinacion di vacacion
E area caminda cu e paso fronteriso ta ubica, Sinai, pa hopi Israeli ta un popular destinacion di vacacion tradicional.
E ultimo añanan Gobierno ta haci un apelacion pa evita e area, mirando e actividadnan di extremistanan Islamita cu tin den e region.
Fuente: Nu.nl