GOLAN HEIGHTS, Siria – E ehercito Israel a ataca un posicion militar na Siria tras e impacto diaranson den e teritorio controla den Golan Heights, di un racket manda for di Siria, cu no a causa herido, e ehercito Israeli a informa den un comunicado.
“Como respuesta na e proyectil cu a impacta Israel awe, e Forsanan di Defensa di Israel, a ataca un posicion di artiyeria di e regimen Sirio nort di Golan Heights Sirio,” e nota militar a señala.
Previamente, e Ehercito a informa di e caida di e racket den e teritorio bao di nan control den e parti aki, caminda cu nan ta ocupa desde di e Guera di Seis Dia di 1967.
E Ehercito a señala cu e impacto di e proyectil tabata “probablemente resultado di e lucha interno” den e pais bisiña.
Durante luna di September, a registra durante tres dia sigui incidentenan similar cu proyectilnan procedente di Siria cu a impacta den teritorio controla pa Israel na loke e Ehercito a responde cu atakenan riba posicinnan di e Ehercito Sirio.
Golan Heights, ta escenario di tension desde cu a cuminsa e conflicto arma den e pais na 2011 y den varios ocasion impactonan procedente di tironan perdi di e conflicto y otronan cu a wordo considera intencionalmente, a wordo sufri den e parti Israeli.
Den e ultimonan aki, e Ehercito Israeli sa responde cu atakenan puntual contra instalacionnan militar Sirio.
Fuente: NTN24