JERUSALEM, Israel – Autoridadnan Israeli a duna marcha atras y a permiti imigracion di tres famia Venezolano converti den Hudaismo, kendenan nan a nenga entrada na principio di Januari.
Riba e fecha aki, a considera cu e famianan no a demostra na pertenece na un comunidad Hudiu manera ley ta exigi pa reconoce nan como tal y facilita nan e nacionalidad Israeli, pero awo Ministerio di Interior a aproba su entrada den e pais despues cu nan a somete na un di dos “conversion simbolico”, e corant Haaretz a informa aki, segun Efe news.
Ademas, nan lo tin warda nuebe luna pa haya e nacionalidad.
E afectadonan ta nuebe Venezolano di e localidad di Maracay cu, tras di a converti na Hudaismo dilanti un corte Rabinico conservador na 2014 y despues di tres aña di studia e religion, a pidi pa haci, loke ta conoce como “alia” (ascenso, den Hebreu, palabra cu ta wordo uza pa e migracion den Israel).
Pero e Ley di e Retorno na Israel ta determina ken por pidi e statuto di “oleh” (migrante cu ta ricibi e nacionalidad) y ta defini kico ta, ta Hudiu.
Den e caso di e personanan cu ta converti na Hudaismo, ta exigi cumpli criterionan determina pa comproba cu ta trata di un cambio valido, entre nan, cu e convertido ta miembro di un comunidad Hudiu reconoci durante un plazo minimo di nuebe luna cu segun e autoridadnan no a wordo proba pero cu, segun Haaretz, si a wordo cumpli.
E medio a sigura cu e presion di e comunidad internacional Hudiu a logra cu autoridadnan a modifica su decision.
Fuente: El Universal