Segun informenan, varios blaas incendiario cu artefactonan explosivo improvisa a wordo lansa zuid di Israel diamars atardi.
Forsa Aereo di Israel a ataca varios obhetivo den e Gaza Strip den respuesta na e lansamento di blaasnan incendiario cu artefactonan explosivo improvisa zuid di Israel diamars.
“Imagina bo mes: bo ta sinta den bo hardin y bo ta wak varios blaas den laira. Pa e Israelinan cu ta biba cerca di Gaza, esaki por ta mortal. E teroristanan di Gaza awe a uza blaas pa manda explosivo den teritorio Israeli. nan tin mas di un aña ta haciendo esaki”, Forsanan di Defensa Israeli (IDF) a skirbi ariba nan cuenta di Twitter.
Diasabra ultimo, al menos 17 Palestino a resulta herida den enfrentamentonan cu e Ehercito di Israel den e frontera cu e Gaza Strip.
Desde e comienso di e mobilisacionnan aki dia 30 di maart ultimo, 189 Palestino a wordo asesina y 10 mil mas a resulta herida, segun declaracionnan di ONU.
Segun RIA Novosti, aviacion Israeli a ataca un base di e movimento Hamas. Un coresponsal di e agencia a observa dos atake aereo riba e base Badr, den e parti central di e enclave.