PARIS, Francia – Islandia ta encabesa e lista mundial di pais cu a logra mas avanse den materia di salud di cara na obhetivo di desaroyo sostenibel di Nacionnan Uni, segun un informe publica diahuebs.
Singapore, Suecia, Andora, Gran Britania, Finlandia, Spañ, Hulanda, Canada y Australia, ta completa e lista di e dies promenan, inclui den e informe cu e revista specialisa Britanico The Lancet, ta publica.
Na e di 38 luga, Uruguay ta e prome di America Latina cu ta aparece den e nomina, dilanti di Argentina (52), Chile (54), Costa Rica (57), Peru (63) y Cuba (66), Guatemala (121) y e region segun e lista, cu ta cera ta Republica Centro Africano riba e posicion number 188.
E mundo a realisa avanse desde 200 den materia di mortalidad infantil y materno, of di acceso na planificacion famliar.
Sin embargo, e ta leu di alcansa e obhetivonan di Nacionnan Uni den e lucha contra e obesidad infantil, violencia conyugal of alcoholismo, por ehempel, segun AFP.
Tin menos hende exponi na riesgonan sanitario vincula na awa no potabel y e condicionnan malo di higiena.
Hopi pais a accede di otro banda na miho servicionan di salud esencial, como terapianan antiretroviral (anti-HIV) y na e mosketeronan cu ta permiti protehe contra malaria.
Realisa pa e Instituto Mericano di medida y evaluacion riba salud (IHME) cu sede na Seattle (noordwest) y financia pa e fundacion Bill & Melinda Gates, e estudio ta e prome evaluacion anual di e desempeño den materia di salud cu relacion na obhetivonan di desaroyo sostenibel di Nacionnan Uni.
Salud ta forma parti di e 17 obhetivonan di Nacionnan Uni pa e meta 2030 adopta pa e Asamblea General di Nacionnan Uni na September di 2015.
Fuente: El Universal