E siman aki, tur caminda na mundo ta para keto na e Dia Internacional di Hende Muhe, pero na Islandia hende muhenan tin hopi rason pa celebra. Gobierno a anuncia cu lo obliga companianan pa paga homber y muhe por igual. Si e ley pasa den Parlamento, y esaki ta mas sigur cu si, e ora Islandia lo ta e prome pais na mundo cu lo haci e diferencia salarial ilegal.
E ley nobo ta exigi pa cada compania cu mas di 25 trahado por medio di un certificado mester por demostra cu tanto homber como muhe ta ricibi e mesun salario pa e mesun trabao. E prueba aki mester wordo revisa cada tres aña. Na Suisa y e estado Mericano Minnesota tambe ta wordo traha cu e mesun tipo di certificado, pero companianan no ta obliga pa demostra pago igual. Islandia si ta kies pa esaki. Segun e minister di Asuntonan Social y Igualdad, Thorsteinn Viglundsson a bira tempo pa trata na un manera radical e diferencia salarial.
Segun calculonan, muhenan na Islandia ta traha desde 14:38 tur dia pornada, dus di gratis.
E propuesta di ley aki ta contesta ariba e “demostracion 14.38”, pero e ta un parti tambe di plannan di gobierno mas amplio pa elimina e diferencia salarial persistente. Si ta pa Island, e diferencia salarial lo pasa pa pasado pa 2022.