DEN HAAG – Islanan den Caribe Hulandes ta vulnerabel pa labamento di placa. Esaki ta un di e conclusionan di un risicoanalyse di e Wetenschappelijk Onderzoek- en Documentatiecentrum (WODC).
Minister Wopke Hoekstra di Finanzas a manda e analisis pa Tweede Kamer cu’n carta tocante e enfoke di labamento di placa. E carta ta un contesta ariba e cobertura di noticianan di e labamento di placa Ruso den medionan Hulandes y ta trata specialmente Hulanda.
Aunke Caribe Hulandes no ta wordo nombra mas door di Hoekstra, e ta duna indicacion di cu e situacion ariba BES- eilanden “ta diferencia grandemente” for di Hulanda y cu door di esey, lo mester di un analisis y enfoke apart. Anteriormente Hoekstra a informa caba cu e lo kier cambia leynan ariba islanan BES, teniendo na cuenta cu e circumstancianan regional, lo kier pa esaki ta miho conecta cu leynan Hulandes Europeo.
Na september 2018 WODC a publica un analisis di risico apart pa islanan BES. No a haya ningun indicacion di financiamento di terorismo. Labamento di placa a wordo investiga por medio di un analisis di contexto, combersacionnan cu expertonan di e mundo bancario y husticia, entrevista y analisis di literatura.
E vulnerabilidad ta bin door di diferente factornan, segun investigadonan. Factornan importante pa labamento di placa ta e traficacion di droga y migracion ilegal for di paisnan bisiña di Centro y Suramerica y e distancia grandi entre e islanan y Hulanda, unda cu e supervisornan ta estableci. Esaki ta De Nederlandsche Bank (DNB), Autoriteit Financiële Markten (AFM) y Bureau Toezicht Wwft.
WODC ta menciona ademas e patrocinio y clientelismo cu ta bay man den man. E efecto di fabor ta wordo paga cu fabor ta wordo intensifica pa e salarionan y beneficionan abao y e costo di vida halto. E aumento di desigualdad di ingreso for di 10 di october 2010 tambe ta un factor. Un comentario sorprendente di e investigadonan ta cu “tin rumornan” tocante corupcion ariba islanan BES, pero no tin pruebanan contundente.
E sector di real estate ta esun mas vulnerabel pa labamento di placa, según e investigacion. Akiden ta wordo inverti directamente den un sociedad basa ariba placa den efectivo.
Na 2017 a registra hopi crimennan di propiedad, pero e cifra di 700 no ta tur, WODC ta sospecha. Ademas di traficacion di droga, e risico ariba islanan BES ta grandi pa “trabaonan sexual involuntario y trabaonan forsoso den hogarnan, den sector agricola y den construccion” door di Venezolano, Colombiano y Dominicanonan.