MEDIO ORIENTE – E asina yama Estado Islamico, a perde mas di un kwart di su teritorio cu el a controla, informacionnan nobo a mustra.
Analistanan di siguridad y defensa IHS a bisa cu e control di e grupo a disminui cu 28% desde su top na Januari 2015.
Den e prome nuebe lunanan di e aña aki, e teritorio di ISIS a cay for di 78 mil kilometer cuadra pa 65.500 kilometer cuadra – un area ekivalente na e tamaño di Sri Lanka – e analistanan di IHS a bisa.
Sin embargo, e perdidanan di IS a slow down den e tres lunanan te cu October.
IS a perde simplemente 2800 kilometer cuadra desde Juli.
Esaki ta coincido cu Rusia reduciendo e cantidad di atakenan aereo contra IS, IHS a observa.
Na comienso di e aña, mas of menos 26% a target IS, pero pa zomer esaki a drop cu solamente 17%.
“September ultimo, Presidente Putin a bisa cu e mision di Rusia ta pa bringa terorismo internacional y specificamente e Estado Islamico,” Alex Kokcharov, analista principal Ruso na IHS a bisa. “Nos informacion ta sugeri cu esey no ta e caso.”
“E prioridad di Rusia ta pa provee sosten militar na e Gobierno di Assad y, mas tanto pa transforma e guera civil Sirio pa un conflicto multipartido den uno binario entre e gobierno Sirio y gruponan Yihadista manera e Estado Islamico; subminando asina e caso pa proporciona apoyo internacional di oposicion.”
Sinembargo, e perdidanan cu e grupo a bin ta sostene ainda ta significativo, expertonan ta bisa. IS a wordo manda bek 10 kilometer for di e frontera Turco, mientras cu forsanan Iraki a sigura e base aereo Qayyarah, un facilidad importante strategico 60 kilometer zuid di e base di e grupo terorista Mosul.
Fuente: BBC World