MOSUL, Irak – ISIS a ehecuta 232 persona cerca di Mosul diaranson, vocero di e oficina di Derechonan Humano di Nacionnan Uni, Ravina Shamdasani a bisa CNN.
“Diaranson ISIS a ehecuta 42 civil na Hamman al-Alil, un ciudad zuid di Mosul.
Tambe el a ehecuta 190 ex miembro di e forsanan di siguridad Iraki cu a rechasa na uni na nan, den e base Al Ghazlani, cerca di Mosul,” el a bisa.
Nacionnan Uni tambe a reporta cu for di 17 di October, ora cu a cuminsa cu ofensiva di e forsanan Iraki pa recupera di dos ciudad Iraki, ISIS a “captura decenas di miles di homber, muhe y mucha pafo di Mosul y a hibanan na e ciudad pa uzanan como escudo humano contra e forsanan Iraki.”
Di un otro banda, general Mericano Joseph Votel a bisa diahuebs cu pa loke ta e ofensa, e coalicion forma pa forsanan Iraki y su aliadonan Kurdo y Mericano, a mata entre 800 y 900 militante di ISIS.
E ehercito Mericano ta calcula cu tin entre 3000 y 5000 combatiente defendiendo e mayor bastion di e grupo terorista na Irak.
Fuente: CNN en Español