LONDON, Inglatera – Un funcionari di contraterorismo di Europa a bisa CNN cu informenan di inteligencia obteni e zomer aki ta indica cu ISIS a aumenta su esfuersonan pa infiltra operativonan di Reino Uni y ataca e pais aki.
Mientras cu ISIS a manda su operarionan di manera exitoso pa ataca Europa Continental, pa e grupo terorista tambe tabata dificil pa ataca Reino Uni pasobra e pais no tin frontera terestre cu e resto di Europa y no ta den e zona Schengen, e area di 26 pais Europeo unda no ta existi controlnan interno, segun ta splica e analista Paul Cruickshank.
E funcionario di inteligencia cu a consulta CNN a sigura cu e servicionan di siguridad ta “descubriendo mas y mas operativonan di ISIS” den suelo continental Europeo.
E operarionan di ISIS cu a wordo manda Europa a probecha e mensahenan encripta – specialmente di e aplicacion Telegram – pa comunica di e manera sigura, e funcionario a bisa CNN, frustrando e servicio di siguridad Europeo.
“Practicamente e unico manera caminda cu nos por rastrea su comunicacionnan ta poniendo microfonan den su cas of su autonan,” e oficial a bisa.
E fuente a bisa tambe cu e informacion comparti entre e agencia di siguridad Europeo no ta cerca di e luga cu tin cu yega dado e magnitud di e menasa.
Na Maart di 2016, polis Britanico a bisa cu e tabata preparando pa un ola di posibel “atakenan enorme y espectacular.”
Na principio di December di 2015, informacion di inteligencia obteni pa e agencianan di siguridad Europeo a indica cu Reino Uni lo ta e siguiente obhetivo di ISIS, despues di e atakenan terorista na Paris na November di aña pasa.
Fuente: CNN en Español
- Latest
