Isaac a bin ta luchando for di ayera pa mantene su status di horcan di categoria 1, pero ayera el a debilita na un tormenta tropical. E aire seco cu ta rondona e sistema y un aumento repentino di e bientonan cortante a debilita e sistema durante e atardi ya cu e tabata mustra mas desorganisa.
E bientonan cortante ta yuda na pusha e aire seco pa e nucleo di e sistema, a perturba y debilita e horcan. Desde e momento ey, e bientonan cortante a cuminsa debilita e sistema y Isaac a recupera su conveccion, pero cu resultado di su rond temporalmente menos faborabel, Isaac a debilita na un tormenta tropical. Pero ainda tin chens di crece bek den e proximo 48 horanan y bira un horcan bek. Ta importante pa indica cu e aire seco cu ta rondona e sistema lo persisti y ta spera cu e ambiente general tambe bira mas seco.
E sistema ta hopi chikito y como tal ta mas propenso na cambionan rapido, pa cual no por descarta un intensificacion mas significativo of un debilitamento mas significativo.
Despues di 48 hora, ta spera cu e bientonan cortante lo ta di 20 pa 30 nudo y si esaki wordo verifica, e sistema lo por debilita rapidamente. E caminda proyecto apenas a cambia y ta manda e sistema pa Dominica pa diahuebs atardi como un horcan minimo y den proceso di debilitacion of como un tormenta tropical fuerte.
Pero tur esaki ta un pronostico y tur cos por cambia, pa loke ta su forsa of su proyeccion. E no ta forma un menasa pa islanan ABC, ya cu e ta spera cu e lo move mas noord di e islanan na un distancia sigur.