BAJA CALIFORNIA, Mexico- Cuatro persona, entre nan, un menor di edad, a muri ora cu nan tabata crusa un riu mey mey di e paso di e tormenta Lida, den e peninsula di Baja California, den e noordoost di Mexico.
E fenomeno ciclonico tambe a causa hopi inundacionnan, dañonan serio den e infrastructura civil y cientos di damnificadonan.
Segun Servicio Meteorológico Nacional, Lida a subi tera diabierna, na 65 km oost di Puerto Cortes y na 115 km oost di Cabo San Lazaro, ambos situa na Baja California Sur. Lidia ta avansando den direccion noordoost cu’n velocidad di 15km pa hora cu bientonan di 95 km pa hora.
Horcan Irma
Segun informacionnan, e ciclon tropical number 11 di e temporada a forma dia 30 di Augustus den awanan di Atlantico oriental. E ta avanza den direccion oost- noordoost y despues di a cobra forsa den e ultimo oranan el a pasa di un tormenta tropical pa un horcan. Expertonan ta califica Irma como horcan di categoria 3, proyectando cu e lo mantene su mes como un sistema potente di categoria mas grandi den fin di siman.
Irma ta avanza den direccion di Caribe oriental na 19 km pa hora.
Fuente: http://www.noticiasrcn.com/