MIAMI, Florida – Irma, ta converti den horcan categoria tres y ta sigui cu su movimiento pa west, loke ta pone e disturbio tropical di aña den Atlantico, a intensifica riba e parti west di e archipielago di Cabo Verde y ta spera cu e lo converti awe den un horcan rumbo pa Caribe, Centro Nacional di Horcan di Merca a informa (NHC). E mas reciente boletin ta ubica Irma den e coordenadanan 17,3 noord y 34.8 west, moviendo 12 miya pa ora, cu movimientonan west noordwest.
E bientonan maximo sosteni a aumenta cerca di 115 miya pa ora cu rafaganan mas fuerte. Irma ta un horcan di categoria 3 riba e escala di Saffir-Simpson. Fluctuacionnan den intensidad ariba y abao, ta posibel, pero ta spera cu Irma lo keda un poderoso horcan durante e proximo dianan.
E bientonan cu forsa di horcan ta extende te cu 15 miya di e centro y biento cu forsa di tormenta tropical ta extende te cu 80 miya for di e centro.
E modelo di e pronosticadornan ta pone Irma acercando na e zona di Caribe pa dialuna mainta.
Meteorologonan di e Centro Nacional di Horcan na Miami, a adverti cu e probabilidadnan cu Irma lo intensifica ta halto den e proximo dianan y su bientonan di forsa di horcan ta extende na 15 miya di su centro mientras cu bientonan di tormenta tropical ta extende te cu 80 miya.
Un tormenta tropical ta converti den un horcan di categoria 1 ora cu su bientonan maximo sosteni ta alcansa 119 kilometer pa ora riba e escala di intensidad di Saffir-Simpson, di un maximo di 5.
Mientras cu Harvey a debilita diaranson y a degrada na un depresion tropical den su paso di e estado di Louisiana. E prome tormenta tropical di 2017 tabata Arlene, cu a forma na April ultimo mey mey di Atlantico, mas di un luna prome cu comienso di e temporada.
Despues a sigui Bret, Cindy, Don, Emily y Franklin, cu a converti den e prome horcan di e temporada, despues Gert, e di dos horcan, Harvey cu a alcansa categoria 4 y awo tormenta Irma.
Aunke cu el a wordo degrada pa depresion tropical, Harvey tabata e horcan mas potente den yega Merca desde 2005, ora cu Katrina a asota New Orleans y Texas desde 1961.
Fuente: www.efe.com/http://www.noticel.com/