MIAMI, Florida – Irma a perde su forsa durante e prome oranan di diasabra y awo e ta un horcan categoria 3 cu bientonan sosteni di 205 kilometer pa ora, segun e Centro Nacional di Horcan di Merca, aunke e lo reforsa despues di pasa Cuba.
E horcan a toca tera riba e archipielago di Camaguey na Cuba y tambe a golpia e provincia di Ciego de Avila cu rafaganan asina fuerte cu el a distrui e instrumento di midi biento, e agencia meteorologico di Cuba a reporta.
Irma a azota un cadena di isla noordoost di Caribe, incluyendo Barbuba, Sint Maarten y Virgin Islands, cu awasero y biento di casi 290 kilometer pa ora, lagando 24 morto. Awo Florida ta prepara pa lo pio. Florida Keys y Miami ta riba e ruta pa un golpi directo, pronosticonan ta mustra.
Segun pronosticonan di e Centro Nacional di Horcan, Irma lo toca tera riba Florida Keys como un ciclon categoria 5 cu biendo di hasta 257 kilometer pa ora. Si esey pasa, esey lo ta di cinco biaha cu un horcan di categoria 5 lo toca tera na Merca.
“Ningun luga riba Florida Keys lo ta sigur,” e Servicio Meteorologico Nacional di Merca a tweet.
Fuente: www.cnnenespanol.com