Internacional: E gobierno na Irlanda a dicidi di bay coba massagraf di baby cu ta mas cu 700 cadaver. E massagraf aki ta pertenece na un Shelter pa mama nan soltero cu tawata cai bao iglesia Catholico. E massagraf aki ta consisti di 796 cadaver. Baby nan cu a nace prematuro, mucha entre 2 pa 3 aña y muher nan adulto. Door di e desentiero aki gobierno di Irlanda kier haya mas informacion tocante posibel abuso sexual den e shelter Catholico na Tuam. E desentiero ta parti di e investigacion di abuso sexual den iglesia Catholico.
Un comision cu ta haci investigacion tocante abuso sexual den instancia nan religioso ta haya permiso pa coba graf nan. Durante e proceso aki nan a encontra hopi mas cadaver cu a wordo raporta oficialmente. Di e 17 di e 20 kamber nan bao tera a encontra cadaver di baby.
Di 1925 pa 1961 e iglesia Catholico tawata encarga cu e maneho di e shelter pa mama nan soltero. Mas cu 35.000 mama nan soltero a hospeda den e 10 shelter nan di e religion aki.
Tin mas shelter conoci pa autoridad cu tin cadaver di baby den forma di massagraf.
E gobierno Irlandes no tin autorisacion pa continua e proceso di coba graf tanten cu no tin un cambio den cierto ley. Pa comienso di 2019 nan ta spera cu e ley wordo adapta y cu por sigi cu e investigacion nan.
Cortesia: Metronieuws