Comunidad di Aruba ta critico contra cualkier gobierno cu sinta. Coalicion MEP-POR-RED a cumpli su prome aña di gobernacion. Minister Otmar Oduber ta repasa e retonan di e prome aña di gobernacion.
Pa e mandatario e retonan mas grandi tabata e situacion financiero cu nan haya e pais aden. Na un aña di gobernacion, organisacion y partido POR cu den practicamente dies luna die tempo cu a lanta e partido hunto cu colega mr. Andin Bikker, Marisol Lopez- Tromp, Alan Howell y demas coleganan cu a bin hunto den un periodo cortico pa a haya sosten di pueblo, bon pa 2 asiento.
Sr. Oduber a sigui splica cu su salida di e gobernacion anterior no a bay facil, pero si cu argumentonan cu tabata valido, aunke hopi no a compronde e move, cu su persona como minister ta entrega su puesto. Ehecucion di e contract a un problema, y e contract c u a wordo cera e tempo ey no ta cuadra cu e bon intencion di bon gobernacion pa logra cosnan bon pa nos pais. Al contrario, Aruba ta mara na e contract. Ta di djis sigui warda pa e conteo finaliza. Hopi tabata e promesanan cu a wordo duna durante campaña pa un cupo di trabao den e refineria.
Un otro punto tabata e maneho di terenonan aki na Aruba, y su preocupacion pa e gran cantidad di camber di hotelnan, e negoshi cu tabata wordo haci cu terenonan. Esaki a keda cconfirma tambe. Y esaki tabata un di su motibonan principal di su salida for di AVP e tempo ey. Pueblo aworaki ta realisa mirando cu tin 7 mil camber cu a wordo otorga. No door di gobierno anterior, pero door di minister Benny Sevinger. Y hopi tabata e casonan cu a termina den corte. Y ta danki na e maneho hopi recto di e ultimo aña y e maneho transparte cu a wordo publica, mayoria di e casonan a wordo gana, y a pone un maneho special pa loek ta tereno comercial na Aruba.
A base di un mociion den parlamento, otro siman, despues di cu tabata tin un investigacion prelimario den DIP cual rapport a keda cla, tin un investigacion forensico cu lo cuminsa oficialmente cu’n compania di Hulanda cu lo ta presenta pa haci esaki, basa ariba e gran cantidad di veridictonan di huesnan, cu ta bisa cu a otorga tereno na amigo, bisiña ye hendenann cerca di gobierno. Henter e procedura aki cu otro siman e investigacion forensico su tras, cu e meta pa e proceduranan cu a wordo hiba, pa motibo cu nan a haya nan mes confronta cu 3 pa 4 mil camber di hotel cu a wordo otorga, sin tuma na consideracion regla di Bon Gobernacion, of di ROP of di bouwverordering.
Un gran cantidad di negoshi a tuma luga, terenonan di 4 pa 5 mil m2, cu ta wordo bendi pa un par di miyon florin sin cu tin desaroyo ta tuma luga. Asina aki ta 19 tereno a wordo ingetrokken asina aki. Personanan cu tabata tin un erfpacht pero no tabata haci nada cu nan, mustrando cu ta violando ley di erfpacht.
Diripiente yen di rosamento a tuma luga, pero e condicionnan ta bisa cu mester construi y caba di construi den un tempo defini. Diferente carta (MB) a sali recientemente, unda cu ta informa e personanan aki cu nan no a construi y hopi di nan por mira ariba internet , cu ta bendiendo e terenonan aki. Ta trata di esunnnan cu no tin financiamento pa traha un edifcio y e tereno aki lo mester bin bek pa pueblo di Aruba.
INVESTIGACION
E mandatario a finalisa bisando cu e meta di e investigacion no ta pa castiga niun hende, pero pa constata cu tabata tin iregularidadnan tabata tumando luga. Tin tur indicacion cu cosnan a bay hopi robes. E lo tin cu bira e base pa intrekking por sigui tuma luga di otro personanan cu a haya terenonan di forma ilicito, contra ley. Hopi biaha tabata trata di NV nan cu ta existi solamente ariba papel. Y hopi biaha ta bende e NV cu unico cu ta bal ariba dje ta e tereno, cu por costa algun miyon florin. E resultado di e investigacion lo wordo duna na autoridadnan conceri. Te asina leu, Sr. Otmar Oduber, minister di Infrastructura.