WEB Aruba NV ta informa cu awe dialuna 24 di October a encontra un iregularidad serio den sistema di automatisacion di WEB Aruba. Pa limita e daño cu esaki por haci, gerencia a dicidi di baha tur server pendiente un solucion. Consecuentemente lo NO por duna servicio na cliente motibo pa cual WEB ta haya su mes obliga di cera su loketnan na Balashi te proximo aviso. Ademas ta informa cu por lo pronto pago di cuenta di awa ta solamente posibel via banco y online banking y pues NO via ELMAR y oficinanan di gobierno. Ta conseha pa sigui updates via WEB su pagina di Facebook of informa via Call Center na tel. 525-4200. Asina por evita di bin WEB por nada. Gerencia di WEB ta pidi su sincero disculpa pa e inconveniencia y ta haci tur esfuerso pa soluciona e situacion mas pronto posibel.