TEHERAN, Iran- E ministerio Irani di Exterior diabierna a condena e bombardeonan realisa recientemente pa Israel y Siria. El a califica esaki di un “acto di agresion” basa ariba pretextonan “sin fundamento”.
Israel a sigura ayera di a daña e infrastructura militar Irani cu su atakenan, cual segun Israel tabata un contesta di e lansamento di mas di binti misil contra su teritorio. E ta acusa Iran di esaki.
“E atakenan constante di e regimen Zionista (Israel) riba suela Sirio, efectua bou di pretextonan sin fundamento, ta un violacion di e soberania nacional y integridad teritorial di Siria. Esaki ta contrario na normanan internacional”, e vocero di Relacionnan Exterior, Bahram Qasemí.
E vocero a critica den un comunicado cu “silencio” di e comunidad internacional relaciona cu esaki ta “luz berde pa e regimen (Israeli) pa e sigui cu su actonan di agresion.
Qasemi na mes momento a acusa Merca y Israel di patrocina gruponan di terorista na Siria y di efectua e atakenan pa “compensa e derotanan fuerte pa e mesun teroristanan cu nan ta kere ta inclina e balans na su fabor”.
Pa esey, el a destaca cu “ta un acto di agresion claro” di Israel na Siria ta demostra cu “naturalesa di e regimen aki ta busca pa e crisis ta basa ariab mentira y esaki ta domina”.
Tel Aviv kier destabilisa Medio Oriente ya cu e ta considera cu su siguridad “depende di e insiguridad di e region”, segun e vocero Irani.
No ta prome biaha cu Israel ta bombardia supuesto posicion Irani na Siria. Na April ultimo, shete efecto Irani a muri den un atake di e aeropuerto militar T4 na Homs.
E aumento di e tension entre Iran y Israel den teritorio Sirio a pone alarmanan den e comunidad internacional, pa e miedo di cu e guera expande pa otro regionnan den e region.
Fuente: http://www.elmundo.es