Iran ta celebra 40 aña di e revolucion Islamico

TEHERAN, Iran- Den e capital Irani, Teheran, cientos di miles di Irani a festeha e 40 aña di e Revolucion Islamico. Tabata tin marchanan, canticanan nacionalista tabata resona for di e speakernan, pero no ta tur hende ta den un ambiente festivo.

Hopi ta esunnan cu no ta satisfecho cu consecuencianan di e revolucion.

Cuarenta aña despues di cu lider religioso Ayatollah Khomeini a proclama e Republica Islamita, e pais ta pasando den un di su pio momentonan na nivel economico. Esaki parcialmente door di e sancionnan Mericano impone un biaha mas ariba e pais. Y esaki hopi hende ta sinti’e den nan cartera. “Tin hopi intrankilidad y hopi ta esunnan cu ta bisa cu nan no kier mas lider religioso”.
E critica aki no ta wordo scucha den e cayanan di Teheran. Akinan e multitud ta zwaai cu e bandera Irani. Pa personanan cu ta sostene e revolucion, esaki ta un fiesta anual.
E fiesta popular, organisa door di gobierno por hasta wordo compara cu Carnaval. “Riba e ruta ta wak comedianan ta wordo hunga, tin cuminda gratis y como tambe musica”. Banderanan Mericano tambe ta wordo kima y “Morto na Merca” ta wordo criticamente observa.

Programa milistico
E sancionnan Mericano lo no pone Iran doblega, ta e mensahe di presidente Rohani. Den su discurso e ta bisa cu Iran lo sigui normal cu su programa milistico. Un par di dia atrás, ehercito Irani a presenta su misilnan di nobo na honor di e hubileo di e revolucion.
Awe, 11 di februari ta net 40 aña pasa cu e ehercito di Iran a pasa pa banda di e rebeldenan Islamita estricto. Asina tambe a pone un fin na e mandato di Shah Mohammad Reza Pahlavi. Na luga di e mandatario aki sosteni door di Merca, e Ayatollah a asumi manda. Desde e tempo ey tin un Republica Islamita.

Guera contra Arabia Saudita
E tabata e prome pais caminda cu politica y Islam ta bin hunto. E consecuencianan di esaki pa Medio Oriente tabata grandi. Arabia Saudita cu su poblacion den su mayoria Sunita, a hay’e liña recta contra di e Iran shiita. E guera di poder ainda ta afecta e region di un manera disruptivo.
Di mes manera e dos superpotencianan aki ta luchando entre nan mes, indirectamente, na, Siria y Yemen. Iran ta apoya e regimen di Assad na Siria y e rebeldenan Houthi na Yemen. Di otro banda, Arabia Saudita ta realisando un campaña militar contra di e rebeldenan na Yemen y ta yuda e gruponan di oposicion cu arma na Siria.

 

Comments

comments