Internacional, Iran: E militarnan di Iran a informa cu e avion Ucranio a keda benta abou pa un eror humano, Iran a ataca e avion sin por a yuda, asina nan a informa na Press Tv di Iran.
Un total di 176 persona a fayece, den nan 82 Irani, 57 Canades, 11 ucranio y 10 Sueco, 4 Afgano, 3 Alemania, y 3 Britanico, asina Minister di Asuntonan exterior Ucranio a informa.
E avion Ucranio a cay cerca di e airport Imam Khomeini na Teheran diaranson marduga ora local di Iran.
E cancelir Irani, Mohammad Javad Zarif, a pone riba su twitter, Un dia tristo, conclusion preliminar di e investigacion interno di e forsa arma militarnan di Iran, cu pa eror humano den tempo di crisis a causa pa e aventura di Merca a conduci na e desaster. Nos profundo condolencia y disculpa y condolencia na nos hendenan y e famia di e victimanan y otro nacionnan afecta.