IPA tin un directora nobo: Marilyn Richardson

Despues di hopi aña cu Ava Thode tabata directora, Marilyn Richardson ta tuma over. E ta splica mas di e desaroyonan cu tin pa IPA.
Marilyn Richardson tabata tin 9 aña na IPA como directora suplente y p’e ta un placer pa tuma e antorcha over di sra. Ava Thode, pa sigui cu e reto pa aporta cu e enseñansa.
Ta conciente cu tin un necesidad mas grandi na docente na Aruba. E interes pa bira docente tey, no ta tur persona ta logra pasa e testnan. A base di esey aña pasa a haci un investigacion chikito bao di esnan cu a aplica,kico ta stroba nan pa haci e testnan. Tabata tin encuentronan di guia pa nan por prepara mas miho pa nan haal’e y toch e no ta dunando tur e resultado. Basa riba e contestanan cu ta haya for di e investigacion, a dicidi pa pak’e aan un tiki diferente, unda ta bin cu un programa di preparacion for di momento cu e persona incribi na IPA, e lo haya acceso na un programa digital, unda e lo por cuminsa for di tempran caba pa prepara su mes, tambe haciendo proeftoetsen pa e por wak unda e tin cu pone mas atencion na su preparacion, banda di e programa regular cu IPA ta ofrece tambe pa yuda nan prepara pa e beroepstest. Asina ta spera cu mirando cu tin un interes grandi, lo bay tin mas hende tambe cu lo por drenta cada aña.
IPA a cuminsa drenta e area digital, na unda awor aki por hopi cos compara cu tempo a traha na IPA, cual tabata paperbased. Awor tur cos ta online. Awor aki tin un electronische leeromgeving online. Hasta a ofrece un parti di e estudio na un grupo den exterior. Un blended opleiding. E caminda ey sigur kier sigui mas den dje pa por ofrece mas tipo di opleiding den forma blended, en particular pa esunnan cu ta trahando, mirando cu IPA no ta duna solamente opleiding na studiantenan inicial, pero tambe ta dunando curso na personanan cu ta trahando caba den enseñansa of pafo di enseñansa. Vooral pa e grupo ey, esaki ta un forma mas atractivo pa nan por sigui cu nan trabaonan y alabes studia na banda.
IPA a bay den direccion digital caba. Nan tin cierto programanan cu tin cursonan online y tin den e opleiding regular tambe. Mas y mas, ta incorporando e tareanan online den esey.
Richardson a agrega cu den cierto sentido no mester di tur e ekiponan. Pa loke IPA ta ofreciendo awor aki, mester hinca mas den curiculo si con pa siña nos maestronan den futuro, pa ta mas creativo cu e productonan cu tin eyfo caba. E mundo tin asina hopi tecnologia cu no tin mester di ekiponan asina grandi. Mester ta creativo y sa unda pa busca e programanan cu por uza den enseñansa. Tin hopi open source material tambe. Mester siña nos hendenan con pa haya e material y con pa uze.

Comments

comments